cartaz poreticas

Poréticas da Crise: Estratexias do poder, espazos de resistencia

Entrada de balde para non-matriculados Facultade de filosofía USC Plaza de Mazarelos 15703 Santiago de Compostela, A Coruña O poder fala de crise… A crise converteuse na súa lexitimación e a súa More »

Cara á aporía económica. Achegas filosóficas do século XX.

Cando: 30 de Xaneiro de 2013

A crise financeira acabou por impoñer o discurso economicista como única ferramenta para comprendérmonos na situación actual. Fronte a esta deriva do capitalismo, a filosofía contemporánea leva moito tempo afondando criticamente na hexemonía do económico: o cuestionamento da calculabilidade, as críticas ás teorías do valor, a problemática da representación, as teorías do signo ou a irrupción da figura do don ou a do procomún poderían estar a problematizar o modelo vixente de intercambio de bens dende dimensións que nos axuden -agora que a escaseza de cartos de curso legal se está a facer máis insistente nas capas baixas da sociedade- a atopar alternativas (an)económicas resistentes ás lóxicas de dominación.

Imparten: Abraham Rubín e Lucía Castro (Proxecto Derriba)

Bibliografía

Este texto será obxecto de discusión ao final da sesión.

Audios da sesión:

Primeira parte:


Descarga VBR Zip

Segunda parte:


Descarga VBR Zip

Apropiacións do outro I. A captura do común ou quen fabrica a débeda

Cando: 13 de Febreiro de 2013

A débeda é un dos motivos centrais que está a articular o achegamento que desde os Estados se fai co gallo dunha política económica. É tal a xeneralización desta perspectiva que a débeda se converteu xa en parte indisociable do proceso de produción e adquisición dunha cidadanía (ou subxectividade); é dicir, considérase que todxs xs cidadáns deben e, por tanto, fabrícase a concepción de ser humano endebedado. Nesta aproximación a unha fundamentación filosófica do concepto económico, seguiremos a Maurizio Lazzarato á hora de formular algúns interrogantes que nos leven a ver de que forma ilexítima se están a trazar as liñas mestras das economías europeas na procura da eliminación do común, ou noutras verbas, da apropiación do outro.

Imparten: Abraham Rubín e Lucía Castro (Proxecto Derriba)

Bibliografía

Máis aquí

Descarga VBR Zip

Dereito, soberanía e representación: a sobrecodificación das sociedades normalizadas

Cando: 20 de Febreiro de 2013

A partir dalgúns dos desenvolvementos de Michel Foucault, cabe cuestionar o discurso da lei, da soberanía e da representatividade: alicerces estes da lexitimidade do Estado, pero tamén trazos constitutivos da conciencia e do coñecemento individual. Agora que están erosionados polas propias dinámicas do capitalismo ás que deron amparo, é momento de entender que sempre foron xogos de verdade que se desenvolveron en paralelo dunhas relacións de poder que son máis amplas e máis densas do que tales termos permiten pensar. En consecuencia, a reclamación de novos (e vellos) dereitos, o exercicio da vontade soberana, a visibilidade representativa, han de ser para as loitas de resistencia momentos tácticos singulares no ámbito de estratexias máis vastas (e máis vastas quererá dicir aquí, tamén, máis miúdas).

Imparte: Diego Lubián (Proxecto Derriba)

Máis aquí


Descarga VBR Zip

Recuperando a política: a crise da representación e formas alternativas de construción democrática

Cando: 27 de Febreiro

Neste módulo, seguindo o fío dalgunha das máis relevantes obras de J. Rancière, pretendemos levar a cabo unha crítica dos mecanismos e estratexias de apropiación democrática por parte dunha elite dirixente, a cal dispón, no plano político, como principal ferramenta de actuación e (auto)lexitimación o sistema “democrático” representativo. Co gallo da súa posta en crise, algo que se evidencia na aparición e forza dos novos movementos alternativos contestatarios á lóxica de funcionamento do actual sistema democrático (reivindicando para si un espazo de participación política previamente usurpada) intentarase ofrecer unha nova noción de política que esixa, á súa vez, como corolario, unha nova formulación da democracia.

Imparte: Brais Arribas (Proxecto Derriba)

Bibliografía

Máis aquí

As institucións penitenciarias dende dentro

Cando: 6 de Marzo de 2013

Neste módulo contaremos coa presenza dun representante da asociación de apoio a presos PRESOS Galiza, cunha persoa que vén de cumprir condea na cadea e coa nai do preso histórico Xosé Tarrío (autor do libro Huye, hombre huye) para que nos conten cales son as súas experiencias en torno das institucións penitenciarias, e reflexionar sobre os cambios que tiveron lugar nos últimos tempos no seu funcionamento interno.

Imparte: Francisco Conde Soto (Proxecto Derriba)

Máis aquí

Deconstrución da soberanía na universidade

Cando: 13 de Marzo

Todo simulacro de esfumación docente mantén á vez un dobre xogo de poder. Por un lado, conserva o poder do corpo docente como autoridade e palabra soberana. Por outro lado, sitúa ese mesmo poder en submisión ao corpo docente que o executa. O corpo docente é soberano ao tempo que submiso á súa soberanía. A deconstrución desta soberanía é inevitable dende o momento en que toda relación de esfumación consiste nun corpo a corpo.

Imparte: Delmiro Rocha (Proxecto Derriba)

Máis aquí


Descarga VBR Zip

A comunicación como mecanismo reprodutor do poder. Medios e produción de subxectividade

Cando: 20 de Marzo de 2013

Pretende analizarse o papel dos medios de comunicación como factor de socialización na reprodución do poder. Isto é, como os enunciados que os aparatos de poder emiten ou ordean emitir moldean a cognición dos suxeitos, apelando ás forzas reactivas constituíntes. Así, o tándem saber – poder serve para a conformación ou perpetuación das sociedades fascistas.

Imparte: Rebeca Baceiredo (Proxecto Derriba)

Máis aquí

Descarga VBR Zip

Materiáis:

  1. Organigrama Martel
  2. INFOGRÁFICO EN ESPAÑA: http://www.elblogsalmon.com/sectores/quien-esta-detras-de-los-medios-de-comunicacion-en-espana-infografia-actualizada
  3. http://pijamasurf.com/2011/10/hay-147-companias-que-poseen-el-mundo/
  4. http://pijamasurf.com/2011/09/analisis-informatico-revela-la-existencia-de-una-supra-entidad-corporativa-que-controla-el-mundo/
  5. http://www.eldiario.es/zonacritica/pais-periodismo-crisis-cebrian-prisa_6_55704433.html
  6. http://www.elconfidencial.com/opinion/a-quemarropa/2012/10/26/periodismo-sin-periodistas-10099/
  7. MEDIOS: http://pijamasurf.com/2010/10/las-6-companias-monoliticas-de-medios-que-controlan-casi-todo-lo-que-vemos/
  8. Otros productos: http://pijamasurf.com/2012/05/las-10-companias-que-controlan-basicamente-todo-lo-que-consumes/
  9. http://www.eldiario.es/turing/informe-arma-industria-cultural-Unidos_0_111989060.html
  10. PRODUCTORES CONTRA SUBIDA DO IVE http://www.iart.es/distancia/noticia.php?id=2191
  11. http://www.cincodias.com/articulo/empresas/nuevas-reglas-internet-desatan-agrio-debate-global/20121203cdscdsemp_21/
  12. http://www.eldiario.es/zonacritica/Neutralidad-Red-nueva-guerra-fria_6_86851317.html
  13. Marlene: http://www.youtube.com/watch?v=XO0tqcJ4I4U
  14. J lo: http://www.youtube.com/watch?v=z5W7DVFKrcs
  15. Marlene: black market: http://www.youtube.com/watch?v=5VbeKstCPKg
  16. Beyoncé: http://www.youtube.com/watch?v=4m1EFMoRFvY
  17. MODIFICACIONES EN HÁBITOS: http://pijamasurf.com/2012/12/las-redes-sociales-han-modificado-nuestros-habitos-al-ir-al-bano-asegura-estudio/
  18. 17 páxina: estudios/investigación social dos medios e internet 2012: http://blog.nielsen.com/nielsenwire/social/2012/
  19. vídeo identitarios franceses http://www.youtube.com/watch?v=KC6j6f6OOnA
  20. vídeo que es ser de derechas http://www.youtube.com/watch?v=2a5IS-AmyzA
  21. Black Mirror episodio 2 min 38: (wendy o williams) http://www.youtube.com/watch?v=UPRDC1X0IBM http://www.youtube.com/watch?v=wc2XyYai3qk
  22. el triunfo de la voluntad, hitler http://www.youtube.com/watch?v=Pi_pVB1D1iE
  23. TRAILER 2PARTE BLACK MIRROR: https://www.youtube.com/watch?v=sF_kZKVppw0